हो हो हो..

गोरी कलाई मा मेहंदी लगा के
घूँघट मा ये चाँद मुखड़ा छुपा के (x2)

छोटे मालकिन तैं हा
अब्बड़ याद आबे (x2)

याद आबे , याद आबे
तैं हा अब्बड़ याद आबे

छोटे मालकिन तैं हा
अब्बड़ याद आबे (x2)

तोर बिना सुन्ना हो जाहि घर अंगना
देखे बर तोला तरस जाहि नैना (x2)

जाबे मगर जाने कब आबे
छोटे मालकिन तैं हा
अब्बड़ याद आबे (x2)

बहिनी दुलौरिन तैं हस दिल के टुकड़ा
कईसे के करहुं बिदा मैं हां तोला (x2)
आज मोर आघु ये बात आगे। ..

छोटे मालकिन तैं हा
अब्बड़ याद आबे (x2)

ननपन मा गोदी बईठायेव मैं तोला
बगिया मा तोला झुलाएओं मैं झूला (x2)

गुजरे पल के सुरता छोड़ जाबे
छोटे मालकिन तैं हा
अब्बड़ याद आबे (x2)

याद आबे , याद आबे
तैं हा अब्बड़ याद आबे

छोटे मालकिन तैं हा
अब्बड़ याद आबे (x2)

अंग अंग तोर नाव मा फड़के
अंग अंग तोर नाव मा फड़के
अउ कब ले तरसाबे रे

दिन गिन गिन के करेव अगोरा
साजन तैं कब आबे रे

तोर नाव के बिंदिया राजा
मुख अम्बर मा दमके
चुरि बोले कंगना खनके
गजरा घलो मोर महके (x2)

ढल जाहि जो मोर जवानी। . .हां
ढल जाहि जो मोर जवानी
तैं अड़बड़ पछताबे रे

दिन गिन गिन के करेव अगोरा
साजन तैं कब आबे रे (x2)

ज्येठ गुजर गे सावन आगे
ये धरती हरियागे
संगी ला संगवारी मिलगे
तन के प्यास बुझागे (x2)

फुलवारी माँ भौरा गूंज गे। . हे
फुलवारी माँ भौरा गूंज गे
मोर मन कब हरसाबे रे

दिन गिन गिन के करेव अगोरा
साजन तैं कब आबे रे (x2)

अंग अंग तोर नाव मा फड़के
अंग अंग तोर नाव मा फड़के
अउ कब ले तरसाबे रे

दिन गिन गिन के करेव अगोरा
साजन तैं कब आबे रे